Məktəbi xatırlayaq

Yay tətilindən qalan günlər bizi həyəcanla qarşılayır. Yeni sinif, yeni yarımil. Yeni bir şans. Daha çox dərs. Göz önündə böyüyən imtahanlar. Hamısı bizi gözləyir. Qorxaq olaraq imtahanda stres keçirən kim, tənbəlliyi ucbatından əlaçı ola bilməyən kim, cəsarətlə dərsə qalxan kim, məsuliyyətli olduğu üçün əlaçı adına layiq görülən kim, başqalarının gözünə girmək üçün, "başqaları üçün oxuyan" kim... Bəs siz hansındansız? Bizə qoşulub cəsarətli, istədiyini bilən bir əlaçı olmaq istəməzsiniz? Çalışmağa dəyər məncə. Hədəfiniz varsa, nə istəsəniz edə bilərsiniz, çünki, yolunuzda tək olsanız belə, sizə dəstək olacaq yeganə şey məqsədinizdir. Hədəfiniz özü təkbaşına yolunuzu aydınlatmağa hazırdır. Səhv edin, amma öyrənin. Uduzun, amma yoldan dönməyin. Sizi sizdən yaxşı tanıyan yoxdur. Doğru olduğunu bilirsinizsə, bacara bilərsiniz!